കൂ​രി​രു​ട്ടി​ൽ പ​തു​ങ്ങി​യെ​ത്തും; ക​ട​ക​ൾ​ക്ക് പു​റ​ത്ത് സൂ​ക്ഷി​ച്ചി​രി​ക്കു​ന്ന സാ​ധ​ന​ങ്ങ​ൾ മോ​ഷ്ടി​ച്ചു​കൊ​ണ്ടു​പോ​കും; പി​ടി​കി​ട്ടാ​പ്പു​ള്ളി ജോ​മോ​ൻ അ​റ​സ്റ്റി​ൽ

ത​ല​ശേ​രി: കോട്ട​യ​ത്തു​നി​ന്ന് ലോ​റി​യി​ലെ​ത്തി മ​ല​ബാ​റി​ലെ അ​ഞ്ച് ജി​ല്ല​ക​ളി​ൽ ക​വ​ർ​ച്ച ന​ട​ത്തി​വ​ന്ന സം​ഘ​ത്തി​ലെ പി​ടി​കി​ട്ടാ​പ്പു​ള്ളി അ​റ​സ്റ്റി​ൽ. അ​ഞ്ച് ജി​ല്ല​ക​ളി​ലാ​യി 26 കേ​സു​ക​ളി​ൽ പ്ര​തി​യാ​യ ഇ​ടു​ക്കി പു​റ​പ്പു​ഴ ക​രി​ക്കു​ന്നം തോ​ണി​ക്ക​ത്ത​ട​ത്തി​ൽ ജോ​മോ​ൻ ജോ​സ​ഫി​നെ​യാ​ണ് (50) പേ​രാ​വൂ​ർ ഡി​വൈ​എ​സ്പി എം.​പി. ആ​സാ​ദി​ന്‍റെ നേ​തൃ​ത്വ​ത്തി​ൽ സി​ഐ പി.​ബി. സ​ജീ​വ​നും സം​ഘ​വും തൊ​ടു​പു​ഴ​യി​ൽ​നി​ന്ന് അ​റ​സ്റ്റ് ചെ​യ്ത​ത്.

വേ​ഷം​മാ​റി പ്ര​തി​യു​ടെ വീ​ടി​ന് സ​മീ​പം ത​മ്പ​ടി​ച്ച പോ​ലീ​സ് സം​ഘം പ്ര​തി​യെ വ​ല​യി​ലാ​ക്കു​ക​യാ​യി​രു​ന്നു. കാ​സ​ർ​ഗോ​ഡ്, ക​ണ്ണൂ​ർ, വ​യ​നാ​ട്, കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ൽ ഹാ​ർ​ഡ് വെ​യ​ർ ഷോ​പ്പു​ക​ളി​ൽ നി​ന്നും പു​റ​ത്തു സൂ​ക്ഷി​ക്കാ​റു​ള്ള ക​മ്പി​ക​ൾ ഉ​ൾ​പ്പെ​ടെ​യു​ള്ള സാ​ധ​ന​ങ്ങ​ൾ ക​വ​ർ​ച്ച ന​ട​ത്തി വ​ന്ന സം​ഘ​ത്തി​ലെ പ്ര​ധാ​നി​യാ​യി​രു​ന്നു ജോ​മോ​ൻ ജോ​സ​ഫെ​ന്ന് പോ​ലീ​സ് പ​റ​ഞ്ഞു. 2012 മു​ത​ലാ​ണ് ഈ ​സം​ഘം ക​വ​ർ​ച്ച ന​ട​ത്തി​യി​രു​ന്ന​ത്.

ഹാ​ർ​ഡ് വെ​യ​ർ ഷോ​പ്പു​ക​ളി​ലെ ഇ​രു​മ്പ് ക​മ്പി​ക​ൾ, വാ​ട്ട​ർ ടാ​ങ്ക്, തു​ട​ങ്ങി​യ സാ​ധ​ന​ങ്ങ​ൾ ക​ട​ക്കു പു​റ​ത്താ​ണ് സൂ​ക്ഷി​ക്കു​ക. ഈ ​സാ​ധ​ന​ങ്ങ​ളാ​ണ് ലോ​റി​യി​ലെ​ത്തി സം​ഘം ക​വ​ർ​ന്നി​രു​ന്ന​ത്. പേ​രാ​വൂ​ർ പോ​ലീ​സ് സ്റ്റേ​ഷ​ൻ പ​രി​ധി​യി​ൽ ന​ട​ത്തി​യ ക​വ​ർ​ച്ച കേ​സി​ലാ​ണ് ഇ​യാ​ൾ ഇ​പ്പോ​ൾ അ​റ​സ്റ്റി​ലാ​യി​ട്ടു​ള്ള​ത്. സി​സി​ടി​വി ഇ​ല്ലാ​തി​രു​ന്ന കാ​ല​ത്ത് ക​ണ്ണൂ​ർ ജി​ല്ല​യി​ൽ ന​ട​ന്ന സ​മാ​ന​മാ​യ ഇ​ത്ത​രം ക​വ​ർ​ച്ച​ക​ൾ വ​ലി​യ വാ​ർ​ത്ത പ്രാ​ധാ​ന്യം നേ​ടി​യി​രു​ന്നു. പേ​രാ​വൂ​രി​ൽ എ​ത്തി​ച്ച പ്ര​തി​യെ വി​ശ​ദ​മാ​യ ചോ​ദ്യം ചെ​യ്യ​ലി​നു ശേ​ഷം ഇ​ന്ന് കോ​ട​തി​യി​ൽ ഹാ​ജ​രാ​ക്കും.